Mančester siti je nastavio niz pobjeda u Premijer ligi, pa je opet makar privremeno preuzeo prvo mjesto na tabeli.
“Građani” su nova tri boda osvojili u Notingemu protiv Foresta, slavili su 2:1, a junak je bio Rajan Šerki koji je pogodio desetak minuta prije kraja.
Tidžani Rejnders je početkom drugog poluvremena donio prednost gostima, ali je samo šest minuta kasnije, već u 54, Omari Hačinson donio izjednačenje.
Siti je kasnije imao bolje šanse, pamti se velika koju je propustio Fil Foden, ali nije mnogo prošlo prije nego je Šerki udarcem slabijom desnom nogom postavio konačan rezultat.
Siti ima bod više od Arsenala, koji od 16 časova dočekuje Brajton.
