U Milika uperili pištolj, nakon zasjede

Arkadijuš Milik, napadač Napolija pričao je o traumi koju je doživio u srijedu veče.

Napolitanci su pobijedili Liverpul 1:0, a Milik je kolima krenuo kući sa stadiona San Paulo.

Uz put mu se dogodila velika traume, napadnut je i otet mu je skupocjeni ručni sat.

“Razbili su staklo na kolima, imali su kacige i nisu progovorili ni riječ. Jedan mi je uperio pištolj u lice i pokazao na sat. Nisam mogao ništa da uradim. Bila je u pitanju klasična zasjeda, sve su isplanirali. Čekali su me u blizini kuće i znali su da ću te večeri doći kasno zbog utakmice sa Liverpulom”, kazao je poljski napadač.

Sa njim je u trenutku napada bila i vjerenica.