Golden Stejt je pobijedio LA Kliperse, ali je meč obilježila povreda Blejka Grifina.
Tim iz Los Anđelesa nema nimalo sreće ove sezone. Ključni igrači se konstantno povrjeđuju, a nakon Teodosića sada je na udaru Blejk Grifin.
Odlični košarkaš dobio je lakat Džavala Mekgija u glavu, nakon čega je ostao da leži nepomično na parketu.
Da nije dobro prošao pokazuje i činjenica da se više nije vraćao na parket.
https://www.youtube.com/watch?v=FIQrfM5dK0k
Ratnici su slavili 121:105, a dominirao je Stef Kari. On je ubacio rekord sezone 45 poena, a postigao je osam trojki. Na terenu je bio samo 30 minuta i potpuno je nadoknadio izostanak Kevina Djuranta.
Detroit igra opet dobro, a osjetio je to i Hjuston 108:101. Boban Marjanović je igrao 11 minuta za pobjednike i za to vrijeme stigao je da upiše deset poena, pet skokova, jednu asistenciju, dvije blokade.
Najbolji u Detroitu bio je Tobajas Heris sa 27 poena i osam skokova, kod poraženih, Kris Pol je imao 16 poena i 13 asistencija.
Klivlend je nadigrao Orlando 131:127, a LeBron Džejms je bio najbolji.
On je u pobjedi nad Magičnima postigao je 33 poena uz deset skokova i devet asistencija, a imao je i šest blokada.
Ima li sto mislije danasnjim novinarima nego li napisat “horor”?
Izgleda da im je to najmiliji zanr!