Odličnom partijom u dvorani Topolica košarkaš Uniksa Moris Ndur dobio je prizanje za najboljeg igrača prve runde Evrokupa.
Ndur je našem šampionu isporučio 29 poena, a svom učinku dodao je još sedam skokova uz jednu asistenciju za indeks korisnosti 41.
To je najbolji pojedinačni nastup na startu Evrokupa u posljednje tri godine.
Uniks je slavio u Baru rezultatom 97:74.
Ndur je nadvisio bivšeg NBA asa Brendona Dženingsa, koji je za Zenit iz Sankt Peterburga ubacio 20 poena i imao devet skokova i osam asistencija, te indeks korisnosti 30 u pobjedi nad Turk Telekomom.
