Crnogorska odbojkašica Tatjana Bokan, koja je bila dugogodišnja kapitenka ženske seniorske reprezentacije Crne Gore osvojila je Super Kup Egipta sa ekipom Al Ahli. Tanji je pripala titula MVP finala sa čak 35 osvojenih poena u pobjedi njenog tima u finalu nad Zamalekom (3:2).
Proteklog vikenda zapaženu partiju imala je Katarina Budrak u dresu francuskog drugoligaša Romasa. Sa 13 osvojenih poena Katarina je predvodila svoj tim do trijumfa protiv Sen Dijea rezultatom 3:2.
U Superligi Srbije, Saška Đurović je osvojila dva poena u trijumfu Crvene zvezde nad Klekom maksimalnim rezultatom 3:0 (25:18, 25:11, 25:14), dok je Simona Petranović igrala u trećem setu i osvojila jedan poen u pobjedi Uba nad Partizanom 3:0 (25:14, 25:18, 25:21).
Teodora Rakočević je sa Banja Lukom upisala pobjedu službenim rezultatom protiv Mostara u Premijer ligi Bosne i Hercegovine.
