Danka u osmini finala u Pragu

Danka je sjajno otvorila prvi set. Prvi gem je bez većih problema lako riješila u svoju korist, da bi nakon velike borbe iskoristila petu brejk loptu u drugom gemu. Crnogorska teniserka je u trećem spasila brejk loptu i povela 3:0.

Nikulesku je smanjila na 1:3, ali je Danka vezala dva gema za ubjedljivih 5:1. Uspjela je Rumunka da vrati jedan brejk, ali već u narednom gemu novim brejkom Danka je riješila pitanje pobjednika u prvom setu.

Danka je lako osvojila i prvi gem u drugom setu, ali je onda Rumunka nanizala četiri gema za 4:1. Naša teniserka je vratila jedan brejk, ali je odmah u narednom gemu ponovo izgubila servis, pa je Rumunka slavila sa 6:2.

Nikulesku je odlično otvorila odlučujući set, povela je 2:0, ali uslijedila je fantastična igra naše teniserke. Danka je vezala pet gemova i došla na korak od plasmana u osminu finala. Rumunka je sa brejkom smanjila na 5:4 i servirala je za izjednačenje.

Ipak, Danka je pronašla dobru igru, iskoristila je prvu meč loptu i plasirala se u osminu finala, gdje će igrati protiv Kineskinje Žang.