Lukas: Nikad nisam dozvolio da me djeca vide drogiranog

Pjevač Aca Lukas kaže da ga djeca nikada nisu vidjela nadrogiranog, iako su znala za njegove poroke. Folker se sa samo 21 godinu odao drogi, zbog čega je 2001. godine išao na odvikavanje. Srećan je što su, Miljana, Andrija i Lazar sušta suprotnos. Vjeruje da će i najmlađa ćerka, Viktorija, krenuti pravim putem. Nasljednicima je otvoreno pričao o svojim problemima sa drogom i kockom, jer nije želio ništa da krije od njih.

“Nisam ih nikada pitao: ‘E, sine, ćerko kako gledate na to što se tata drogirao?’. Oni mene u životu nisu vidjeli nadrogiranog. Nije mi se desilo da dođem kući u lošem stanju, koje nije prikladno. Nisam to sebi nikada dozvolio. Bitno je samo da nisu krenuli mojim stopama što se poroka tiče”, kaže Lukas.

Navodi da nije strahovao da bi slična sudbina mogla zadesiti njegovu djecu.

“Nisam i ne znam kako bih se snašao da je, ne daj Bože, neko od njih poročan. Sada bih imao probleme da vidim šta ću, i kako da im objasnim da droga i kocka nisu dobre, a da mi neko od njih ne kaže: ‘Čekaj, pa i ti si sve to radio’. Na svu sreću, svi su normalni, zdravi, pravi i nijedno od njih nije narkoman, a već su veliki, što znači da neće ni biti. Viktorija je još mala, ali sam siguran da će i ona krenuti pravim putem.”

Lukas vjeruje da se dobro dobrim vraća, te da je to razlog što ga djeca nisu razočarala svojim nepromišljenim potezima.

“Mislim da je sve igra sudbina i debelo stvar sreće. Mogu da kažem i da slažem, da sam ja nekom volšebnom magijom uspio da sva moja djeca budu operisana od najgorih poroka koje sam ja u životu imao. Nisam sujevjeran, ali vjerujem da se sve u životu vraća. Kada nisi zao i ne misliš nikome loše, dobro će ti se vratiti. A ja sam upravo to, ne diram nikoga, ali nisam ni budala koju će neko da zaje*e. Dok oni što su pričali: ‘Vidi ga Lukas, narkoman, sram ga bilo’ njihova djeca, nažalost, ostaju bez zuba od droge, raspadaju se, a mama i tata im to i ne vide”, poručuje popularni folker.